Azərbaycan, Bakı, 4 dekabr /Trend, müxbir A.Axundov/
Asiya İnkişaf Bankı (AİB) və Azərbaycan hökuməti 2013-cü ilin əvvəlində AİB-in ölkə üzrə yeni strategiyasını müzakirə edəcəklər. Bu barədə çərşənbə axşamı Trend-ə bankın ölkədəki nümayəndəliyinin rəhbəri Olli Noroyono deyib.
Strategiyada Azərbaycanın 2013-cü ildə xarici borc həddinin azaldılması öz əksini tapacaq.
2013-cü ildə borcalanma həddi 2012-ci illə müqayisədə 1,3 milyard manat və ya 62,5 faiz azaldılaraq 750 milyon manata çatdırılıb.
"Bu qərar əlbəttə ki, Azərbaycandakı əməliyyatlarımıza təsir edir. Biz hazırda strategiya hazırlayırıq. Strategiya hər iki tərəfdən razılaşdırılmalıdır. Biz bunu gələn ilin əvvəlində müzakirə edəcəyik. Qarşılıqlı anlaşma əldə edilən kimi, bu, yeni strategiyada öz əksinin tapacaq", - Noroyono bildirib.
Onun sözlərinə görə, AİB-in ölkə üzrə strategiyası 2013-cü ildə hazırlanmalıdır.