...

Azərbaycanda qiymətli kağızların buraxılışı və yerləşdirilməsinə qarşı tələblər təkmilləşdiriləcək

Biznes və iqtisadiyyat xəbərləri Materials 18 Aprel 2013 19:51

Trend-i buradan izləyin

Azərbaycan, Bakı, 18 aprel /Trend, müxbir A.Axundov/

Qiymətli Kağızlar üzrə Dövlət Komitəsi (QKDK) qiymətli kağızların buraxılışı və yerləşdirilməsinə qarşı yeni tələblər hazırlayır. Trend-in məlumatına görə, bu barədə cümə axşamı QKDK-nın Qiymətli kağızların buraxılışı və qeydiyyatı şöbəsinin müdiri Elnur Allahverdiyev KİV nümayəndələri üçün təşkil olunan "Açıq qapı" günündə deyib.

"QKDK bir sıra normativ-hüquqi aktlar hazırlayır. Bunlar arasında emissiya prospekti, qiymətli kağızların yerləşdirilməsi, açıq səhmdar cəmiyyətlərin yenidən təşkilatlanması zamanı onların buraxılışına qarşı yeni tələblər var", - Allahverdiyev qeyd edib.

Onun sözlərinə görə, bu istiqamətdə əsas iş "Qiymətli kağızlar haqqında" yeni qanun layihəsinin hazırlanması və bu qanunun işi üçün normativ sənədlərin işlənməsi ilə bağlıdır. Qanun layihəsinə hazırda hökumətdə baxılır.

"Həmçinin, Dünya Bankının kapital bazarının müasirləşdirilməsi layihəsi və Avropa İttifaqının (tərəfdaş ölkə - Polşa) tvinninq layihəsi çərçivəsində normativ-hüquqi bazanın yenilənməsi aparılır", - Allahverdiyev qeyd edib.

Məqalədə:
Xəbər lenti

Xəbər lenti