Azərbaycan, Bakı, 31 iyul /Trend, müxbir İ.Xəlilova/
Asiya İnkişaf Bankı (AİB) bu ilin sonunadək Azərbaycanda 600 milyon dollar dəyərində su təchizatı və kanalizasiya üzrə investisiya proqramının multitranş maliyyələşdirilməsindən III tranşı təsdiq etməyi planlaşdırır. Bu barədə çərşənbə günü Trend-ə bankın Bakı nümayəndəliyindən deyiblər.
Nümayəndəlikdən bildiriblər: "Kreditin həcmi barədə yekun qərar hələ qəbul edilməyib. III tranşın vəsaitləri hesabına Ağcabədi şəhərində su təchizatı və kanalizasiya sistemlərinin yenidən qurulması üzrə işlər, həmçinin daha əvvəlki layihələrin şamil edilmədiyi Naxçıvan ərazisində işlərin yerinə yetirilməsi nəzərdə tutulur".
Qeyd edək ki, daha əvvəl III tranş çərçivəsində 100 milyon dollar ayırmaq nəzərdə tutulurdu.