Azərbaycan, Bakı, 14 avqust /Trend, müxbir A. Axundov/
2013-cü ilin birinci yarısında bank-maliyyə sisteminin regional şəbəkəsinin genişləndirilməsi prosesi davam edib.
Azərbaycan Mərkəzi Bankının (AMB) çərşənbə günü saytında yerləşdirdiyi maliyyə sabitliyi haqqında hesabata görə, 26 yeni bank filialı (cəmi 676 filial) və 2 yeni bank şöbəsi açılıb (cəmi 134 bank şöbəsi).
Bundan əlavə, yanvar-iyul aylarında qeyri-bank kredit təşkilatların sayı 133-dən 139-dək artıb. O cümlədən, yarım il ərzində 6 yeni kredit ittifaqının və beynəlxalq humanitar təşkilatlar tərəfindən maliyyələşdirilən 2 yeni kredit təşkilatının fəaliyyəti lisenziyalaşdırılıb.
Bank Olmayan Kredit Təşkilatlarının filillarının sayı 1 iyul 2013-cü il tarixinə 129-a çatıb (1 yanvar 2013-cü il tarixinə 102).
