Azərbaycan, Bakı, 24 oktyabr /Trend, müxbir E.Əliyev/
Cari ilin yanvar-sentyabr aylarında Gürcüstandan Azərbaycana 303,12 milyon dəyərində 33,36 min minik avtomobili idxal olunub. Trend-in məlumatına görə, bu barədə Gürcüstan Milli Statistika İdarəsinin hesabatında bildirilir.
Hesabatda göstərilir ki, bu sahənin xüsusi çəkisi Gürcüstandan Azərbaycana ümumi ixracın həcminin 57,3 faizini təşkil edib.
Ötən ilin analoji dövrü ilə müqayisədə Gürcüstandan idxal olunan minik avtomobillərinin idxalı 19,48, say nisbətində isə 25,88 faiz və ya 6,86 min ədəd artıb. Müqayisə üçün, 2012-ci ilin yanvar-sentyabr aylarında Gürcüstandan Azərbaycana 253,7 milyon dollar həcmində 26,5 min avtomobil idxal edilib.
2013-ci ilin doqquz ayı ərzində Gürcüstandan Azərbaycana 18,71 milyon dəyərində 2,86 min yük avtomobili idxal edilib ki, bu da ötən ilin analoji dövründə qeydə alınan göstəricidən 16,73 faiz aşağıdır (say nisbətində isə 20,1 faiz yuxarıdır). Müqayisə üçün, 2012-ci ilin yanvar-sentyabr aylarında Gürcüstandan Azərbaycana 22,47 milyon dəyərində 2,37 min yük maşını idxal edilib.
