...

Azərbaycanın iri lizinq şirkəti İslam bankçılığı məhsullarının satışına hazırlaşır

Biznes və iqtisadiyyat xəbərləri Materials 14 Noyabr 2013 16:16 (UTC +04:00)

Azərbaycan, Bakı, 14 noyabr /Trend, müxbir E.Əliyev/

İlin sonunadək Azərbaycanın "Joint Leasing" lizinq şirkəti Azərbaycan Beynəlxalq Bankının (ABB) İslam bankçılığı departamenti ilə birgə layihənin reallaşdırılmasına başlayır. Trend-in məlumatına görə, bu barədə şirkətin baş direktoru Elçin Əhmədov mətbuat konfransında bildirib.

O deyib ki, bu məqsədlə İslam lizinq məhsullarının "Joint Leasing"in xətti ilə təklif edilməsi, lakin ABB departamentinin resursları ilə təmin edilməsi qərara alınıb: "Beləliklə, "Joint Leasing" və ABB bu sahədə öz fəaliyyətlərini şaxələndirməyi qərara alıblar".

Onun sözlərinə görə, bütün lazımi texniki məsələlər artıq həll olunub. Layihənin dəyəri 4 milyon manat təşkil edir.

E.Əhmədov bildirib: "Ümid edirəm ki, əməkdaşlıq haqqında müvafiq müqavilə artıq bu ay imzalanacaq".

ABB-də Azərbaycanda ilk dəfə və yeganə olaraq müştərilərə İslam bankçılığı məhsullarını təklif edən "İslam pəncərəsi" fəaliyyət göstərir. Bank İslam maliyyə bazarları ilə ölkəyə investisiyaların cəlb edilməsi üzrə layihə işləyib hazırlayır.

Məqalədə:
Xəbər lenti

Xəbər lenti