Azərbaycan, Bakı, 18 noyabr /Trend, müxbir E.Əliyev/
Rusiyanın xaricdəki ticarət nümayəndəlikləri fəaliyyət formatlarını dəyişdirirlər. Bu barədə Trend-ə RF-nin Azərbaycandakı Ticarət nümayəndəliyindən bildiriblər.
Nümayəndəlikdən deyiblər ki, Rusiyanın İqtisadi İnkişaf Nazirliyi bu yaxınlarda ticarət nümayəndəliklərinin fəaliyyətinin yekunlarına həsr edilmiş iclas keçirib. Gələcəkdə nümayəndəliklərin iş formatı daha müştəri yönümlü olacaq.
Azərbaycandakı nümayəndəlik fəaliyyətinin yekunları üzrə RF-nin xarici dövlətlərdə fəaliyyət göstərən 54 strukturu arasında 17-ci yeri tutub:
"Biz Rusiyanın 34 regionu, eləcə də iri şirkət və müəssisələrlə əməkdaşlıq edirik və bu tendensiya davam etdiriləcək. RF subyektləri rəhbərlərinə və iqtisadiyyat nazirinə Azərbaycanın iş və investisiya imkanları barədə məlumatlar göndərilir".
