Azərbaycan, Bakı, 6 avqust /Trend/
2014-cü il iyulun 1-nə Azərbaycan bankları həm manatda, həm də SDV-də depozitlər üzrə faiz dərəcələrini azaldıblar. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.
Hesabata əsasən, 2014-cü il iyulun 1-nə manatda depozitlər üzrə orta dərəcə 9,01 faiz olub. 2013-cü il iyunun sonuna bu rəqəm 9,57 faiz təşkil edib. Xarici valyutada depozitlər üzrə orta dərəcə 9,50 faiz olub. 2013-cü il iyulun əvvəlinə bu göstərici 10,11 faiz təşkil edib.
2014-cü il iyulun 1-nə olan vəziyyətə görə, fiziki şəxslərin manatda depozitləri üzrə orta dərəcə 9,45 faiz olub. Bu göstərici 2013-cü il iyulun 1-nə 10,05 təşkil edib.
Fərdi müştərilərin xarici valyutada depozitləri üzrə orta dərəcə 10,06 faizə bərabər olub. 2013-cü il iyulun əvvəlinə bu rəqəm 10,58 faiz olub.
2014-cü il iyulun 1-nə hüquqi şəxslərin yerli valyutada depozitləri üzrə orta dərəcə 5,70 faiz təşkil edib. 2013-cu il iyulun 1-nə bu rəqəm 5,14 faiz olub.
Korporativ müştərilərin xarici valyutada depozitləri üzrə orta dərəcə isə 3,69 faizə bərabər olub. 2013-cü il iyulun əvvəlinə bu göstərici 3,77 faiz təşkil edib.