Azərbaycan, Bakı, 12 avqust /Trend/
İyunda Azərbaycanda istehlakçı inamı indeksi (İİİ) beynəlxalq təcrübədə kifayət qədər yüksək səviyyədə (25) olması onun pozitiv zonada olduğunu göstərir.
Trend-in məlumatına görə, bu barədə Azərbaycan Mərkəzi Bankının (AMB) hazırladığı 2014-cü ilin birinci yarısının yekunları üzrə pul siyasətinə dair hesabatda deyilir.
Bu ilin birinci yarısının yekunları üzrə, bu göstərici 26,35 bənd, 2013-cü ilin üçüncü rübündə isə 25,85 bənd olub.
İndeks 4250 təsərrüfat subyekti arasında sorğununu aparılması metodu ilə hesablanıb.
Hesabatda deyilir: "Əhalinin real gəlirlərinin artdığı şəraitdə [pul gəlirləri 3,1 faiz, real ifadədə orta aylqı əməkhaqqı - 4,9 faiz artaraq 438 manata çatıb] ölkədə ümumi istehlakçı fəallığı artıb. Bununla yanaşı, il ərzində istehlak xərcləri 14,3 faiz (2013-cü ilin birinci yarısında 14,6 faiz) artıb".
İl ərzində əhalinin sərəncamında olan gəlirlər beş faiz artaraq 16,1 milyard manat təışkil edib. Əhalinin pul gəlirlərinin xərclər üzərində artmasını qabaqlama əmsalı keçən ilin yanvar-iyun ayları səviyyəsində qalıb - 1,4.
2014 -cü ilin birinci yarısında istehlak bazarında satılan mal və xidmətlərin ümumi həcmi ötən ilin analoji dövrü ilə müqayisədə 8,6 faiz artıb. Pərakəndə satışın həcmi 8,9 faiz, o cümlədən özəl sektorda artım 9 faiz olub.
İlin birinci yarısında ərzaq mallarının pərakəndə satışının həcmi ötən eyni dövrü ilə müqayisədə 2,8 faiz (2013-cü ilin yanvar-iyun aylarında 2,7 faiz olub), qeyri-ərzaq mallarının 15,5 faiz (20,2 faiz) artıb. Əhaliyə göstərilən ödənişli xidmətlər 6,9 faiz, o cümlədən, qeyri-dövlət mülkiyyəti üzrə 8,5 faiz təşkil edib. Ödənişli xidmətlərin 77 faizi özəl sektorun payına düşür.
İndeks ölkənin Mərkəzi Bankı tərəfindən keçirilən real sektorun monitorinqi proqramının bir hissəsidir. O, əhalinin ümumi istehlak gözləmələrini əks etdirir.
Dünya təcrübəsində istehlakçı inamı indeksindən məşğulluq və iqtisadiyyatın ümumi vəziyyəti sahəsində tendensiyaların proqnozlaşdırılması zamanı istifadə olunur.
