Azərbaycan, Bakı, 4 sentyabr /Trend, müxbir Zülfiyyə Qurbanova/
2014-cü il avqustun 1-nə Azərbaycan bankları həm manatda, həm də SDV-də depozitlər üzrə dərəcələri azaldıblar. Trend-in məlumatına görə, bu barədə Azərbaycan Mərkəzi Bankının (AMB) 2014-cü ilin ilk 7 ayının nəticələri üzrə statistik hesabatında deyilir.
Hesabata əsasən, 2014-cü il avqustun 1-nə manatda depozitlər üzrə orta dərəcə 8,98 faiz olub. 2013-cü il avqustun 1-nə bu rəqəm 9,49 faiz təşkil edib. Xarici valyutada depozitlər üzrə orta dərəcə 9,47 faiz olub. 2013-cü il avqustun əvvəlinə bu göstərici 10,04 faiz təşkil edib.
2014-cü il avqustun 1-nə olan vəziyyətə görə, fiziki şəxslərin manatda depozitləri üzrə orta dərəcə 9,46 faiz olub. Bu göstərici 2013-cü il avqustun 1-nə 9,97 faiz təşkil edib. Fərdi müştərilərin xarici valyutada depozitləri üzrə orta dərəcə 10,04 faizə bərabər olub. 2013-cü il avqustun əvvəlinə bu rəqəm 10,46 faiz olub.
2014-cü il avqustun əvvəlinə hüquqi şəxslərin yerli valyutada depozitləri üzrə orta dərəcə 5,60 faiz təşkil edib. 2013-cu il avqustun 1-nə bu rəqəm 5,10 faiz olub. Korporativ müştərilərin xarici valyutada depozitləri üzrə orta dərəcə isə 3,45 faizə bərabər olub. 2013-cü il avqustun əvvəlinə bu göstərici 4,16 faiz təşkil edib.
Azərbaycanda 44 bank fəaliyyət göstərir.
