Azərbaycanda idxal-ixrac əməliyyat­larının liberallaşdırılması davam etdiriləcək

Azərbaycan, Bakı, 27 sentyabr /Trend/

Ümum­dünya Gömrük Təşkilatının Bakı şəhərindəki Potensialın Gücləndirilməsi üzrə Avropa Regional Ofi­sində xarici iqti­sadi fəaliyyət iştirakçıları ilə görüş keçirilib.

Dövlət Gömrük Komitəsindən (DGK) Trend-ə verilən məlumata görə, görüşdə məqsəd Gömrük Məcəl­ləsindən irəli gələn normativ hüquqi qanunvericiliyin tələbləri barədə biz­nes subyektlərini məlumatlandırmaq olub. Tədbirdə giriş sözü ilə çıxış edən Komitə sədrinin müa­vi­ni, gömrük xidməti general-leytenantı Şahin Bağırov gömrük orqanları ilə özəl sektor arasında qarşılıqlı əməkdaşlığın əhəmiyyətindən danışıb və vurğulayıb ki, Azər­bay­can Gömrük Xidməti dövlət­çiliyin daha da möh­kəm­ləndirilməsi, öl­kə­nin iqtisadi qüdrətinin dur­ma­dan yük­səlməsi naminə öz imkanlarını əsirgə­mir. Qeyd edilib ki, sahibkarlığın və re­gion­ların inkişaf etdirilməsi üçün dövlət proqramlarının həyata keçirilməsində, büdcə proqnoz-tapşırıq­larının yüksək səviyyədə yerinə yetirilməsində Dövlət Gömrük Komitəsi də əzmlə çalışır, iqtisadi təhlükəsizliyin keşiyində dura­raq respublikanın suverenliyinin qorun­ma­sında fəal iştirak edir.

DGK sədrinin müavini son bir ildə gömrük sahəsində normativ hüquqi bazanın təkmilləşdiril­məsi istiqamətin­də görülən işlər barədə məlumat verib və bildirib ki, Azərbaycanda 2012-ci ilin əvvəlindən yeni Gömrük Məcəlləsinin tətbiqi ilə əlaqədar Dövlət Gömrük Komitəsinin hazırladığı normativ hüquqi aktlar iqtisadiyyatın bütün sa­hələrini, o cümlədən, nəqliyyat, sənaye, kənd təsər­rüfatı və digərlərini əhatə edir. O da vurğulanıb ki, iqtisadi inkişaf mərhələlərinə uyğun olaraq, ölkəmizdə biznes mühitinin yaxşılaşdırılması, qa­nun­ların beynəlxalq standartlara və dövrün tələb­lərinə uyğunlaşdırılması daim diqqətdə saxlanılır və bu sahələrdə işlər davamlı olaraq aparılır.

Ş.Bağırov xatırladıb ki, idxal-ixrac əməliyyat­larının aparılmasının liberal­laş­dırılması sahəsində islahatlar nəticə­sində 2009-cu il yanvarın 1-dən Azər­baycan Respublikası dövlət sərhədinin bura­xılış məntəqələrindən keçirilən malların və nəqliyyat vasitələrinin yoxlanılmasında "bir pən­cərə" prinsipi tət­biq edilmiş, yeni Gömrük Məcəl­ləsinin tətbiqi ilə idxal-ixrac əməliyyatları sahə­lərində inzibati prosedurlar daha da sadələşdiril­ib.

Lakin bu istiqamətdə islahatlar davam etdirilir və bu baxımdan "Sahibkarlığın inkişafı ilə bağlı əlavə tədbirlər haqqında" Azərbaycan Preziden­tinin 3 mart 2014-cü il tarixli fərmanı sahib­karlığın inkişafına göstərilən diqqət və qayğının, bu sahəyə verilən böyük önəmin, özəl bölməyə dövlət dəstəyi tədbirlərinin ardıcıllığının göstəricisi və sahibkar­lığın inkişafının yeni mərhələsi­nin hüquqi əsasla­rını özündə əks etdirən mühüm konseptual sənəd­dir. Bu fərman Azərbaycanda məhz biznes mühi­tinin daha da yaxşılaşdırılması, onun ən qabaqcıl təcrübələr əsasında təkmil­ləşdirilməsi istiqamə­tində mühüm tədbirlərin həyata keçirilməsi və qarşıdakı illərdə sahibkarlığın inkişafı üçün geniş imkanlar açıb. Fərmana əsasən, idxal-ixrac əməliy­yatları zamanı tələb olunan sənədlərin, müddət və xərclərin azaldılması üçün qanunvericiliyə də­yişikliklər edilib və bu prosesə Dövlət Gömrük Komitəsi də yaxından qatılıb.

Sonra DGK Gömrük Nəzarətinin Təşkili Baş İda­rə­sinin rəisi, gömrük xidməti general-mayoru Cavad Qası­mov təqdimatla çıxış edərək "Sahibkar­lığın inkişafı ilə bağlı əlavə tədbirlər haqqında" sözü­gedən fərmanın icrasını təmin etmək məqsə­dilə Azərbaycan Prezidentinin 24 iyun 1997-ci il tarixli fərmanı ilə təsdiq edilmiş "Azərbaycan Respublikasında idxal-ixrac əməliyyat­larının tənzim­lənməsi Qaydaları"na edilmiş dəyişikliklərin, eləcə də Nazirlər Kabinetinin 22 iyul 2014-cü il tarixli qərarı ilə təsdiq edilmiş "Gömrük sərhədindən keçirilən malların və nəqliyyat vasitələrinin bəyan edilməsi Qaydaları"nın izahını verib.

Bundan başqa, "Gömrük sərhədin­dən keçirilən malların və nəqliyyat vasitələrinin bəyan edilməsi Qaydaları" ilə təsdiq olunmuş bəyannamələrin ay­rı-ayrı formaları - dövri, natamam, əlavə, sadələşdi­ril­miş bəyannamələr, qısa idxal (ixrac) bəyanna­məsi, eləcə də təkrar ixrac bildirişinin formaları və nə zaman tətbiq ediləcəyi barədə məlumat verilib.

Gömrük Məcəlləsi ilə müəyyən olun­muş bir sıra yeni anlayışların - səlahiyyətli iqtisadi operator, gömrük təm­silçiliyi və s. iqtisadi məzmunu da görüş iştirakçılarının diqqətinə çatdırılıb və onların sualları cavablandırılıb.