Azərbaycan, Bakı, 2 oktyabr /Trend, müxbir Ənvər Məmmədov/
Bakı-Tbilisi-Qars dəmir yolunun tikintisi layihəsi Azərbaycan və Türkiyə üçün çox vacibdir.
Trend-in məlumatına görə, bunu jurnalistlərə Türkiyənin ticarət və gömrük naziri Cenap Aşçı deyib.
Onun sözlərinə görə, layihənin reallaşdırılması bir qədər gecikir: "Hazırda tunellərin tikintisi aparılır. Düşündüyümüzdən də daha bərk süxurlarla üzləşmişik. Ümid edirəm ki, gələn il layihə başa çatacaq".
C.Taşçı qeyd edib ki, Türkiyə hökuməti layihənin reallaşdırılmasında çox maraqlıdır: "Türkiyədəki mövcud vəziyyət layihənin həyata keçirilməsinə mane törətməyəcək. Sizi əmin etmək istəyirəm ki, layihə uğurla yekunlaşdırılacaq".