Bakı. Trend:
Qarşıdakı beş il ərzində Azərbaycanın elektron ticarət sektorunda əhəmiyyətli artım gözlənilir: proqnozlara əsasən, gəlirlər 2022-ci ildəki 1,76 milyard ABŞ dollarından 2027-ci ilə qədər 3,45 milyard ABŞ dollarına yüksələcək.
Trend bu barədə Asiya İnkişaf Bankının hesabatına istinadən xəbər verir.
AİB-in hesabatına görə, Azərbaycanda elektron ticarətdən əldə olunan gəlirlər son beş il ərzində iki dəfədən çox artaraq 2017-ci ildəki 742 milyon ABŞ dollarından 2022-ci ildə 1,76 milyard ABŞ dollarına çatıb.
2027-ci il üçün proqnozlara əsasən, Azərbaycan elektron ticarətdən gözlənilən gəlirlərə görə Mərkəzi Asiya ölkələri arasında Qazaxıstandan (5,909 milyard ABŞ dolları) sonra ikinci yeri tutacaq. Regionun digər ölkələri üzrə proqnoz göstəricilər belədir: Qırğızıstan – 799 milyon ABŞ dolları, Tacikistan – 472 milyon ABŞ dolları, Türkmənistan – 543 milyon ABŞ dolları, Özbəkistan – 2,640 milyard ABŞ dolları.
CAREC-in (Mərkəzi Asiya Regional İqtisadi Əməkdaşlıq) digər üzv ölkələrində isə 2027-ci ilə qədər elektron ticarətdən gözlənilən gəlirlər belə olacaq: Gürcüstan – 1,146 milyard ABŞ dolları, Çin – 2,375 trilyon ABŞ dolları, Monqolustan – 716 milyon ABŞ dolları, Pakistan – 8,101 milyard ABŞ dolları.
Bazarın istifadəçi sayı baxımından həcminə gəldikdə, Azərbaycan üçün 2026-cı il üzrə proqnoz 3,9 milyon nəfər səviyyəsində qalır, 2027-ci ildə isə istifadəçilərin sayının 4 milyona çatacağı gözlənilir.
2017–2027-ci illərdə Azərbaycanda elektron ticarət bazarının həcminin dinamikası aşağıdakı kimidir:
|
İl |
İstifadəçilərin sayına görə baza ölçüsü (mln nəfər) |
|
2017 |
2.3 |
|
2018 |
2.6 |
|
2019 |
3.1 |
|
2020 |
3.3 |
|
2021 |
3.5 |
|
2022 |
3.6 |
|
2023 |
3.7 |
|
2024 |
3.8 |