Avqustun 24-də Beynəlxalq Valyuta Fondunun (BVF) Mərkəzi Asiya və Yaxın Şərq üzrə Deparlamentinin direktorunun müavini Vitali Kramarenkonun başçılıq etdiyi missiya Bakıya gəlib.
BVF-nun Bakı nümayəndəliyindən Trend ə verilən məlumata görə, hazırda V.Kramarenko və BVF-nun nümayəndələri artıq Azərbaycanın maliyyə naziri Əvəz Ələkbərovla danışıqlar aparır. Görüş zamanı ölkədə iqtisadi vəztiyyətlə və gələn il üçün büdcə ilə bağlı məsələlər müzakirə olunub.
Avqustun 24-də həmçinin iqtisadi inkişaf naziri Fərhad Əliyevlə də görüş planlaşdırılıb.
Qeyd edək ki, missiyanın səfəri avqustun 31-nə kimi davam edəcək. Missiyanın məqsədi 2005-ci ilin qalan dövründə Azərbaycan hökumətinin hazırladığı maliyyə siyasətinin və əsas strutur islahatların qiymətləndirilməsidir. Missiya həmçinin 2006-cı il üçün Azərbaycanın dövlət büdcəsinin layihəsi üzrə məsləhətləşmələr də verəcək.