Azərbaycanın suveren reytinqinin yeniləşdirilməsinə qədər beynəlxalq reytinq agentliyi Fitch Ratings-ın bir qrup eksperti məlumat toplamaq üçün Bakıya gəlib. Bu barədə Trend ə Maliyyə Nazirliyindən məlumat verilib.
Agentliyin nümayəndəsi Şaron Ray və agentliyin assosiativ direktoru Nik Ayzinger artıq Dövlət Neft Fondunun rəhbəri Samir Şərifovla görüşüblər.
Bu gün həmçinin, İqtisadi İnkişaf və Maliyyə Nazirliklərində, Azərbaycanın Milli Bankında g.rüşlər keçiriləcək.
Fitch nümayəndələrinin səfəri dekabrın 2-nə kimi davam edəcək. Ekspertlərin müəyyən məlumatlar toplamalarına baxmayaraq, onlar səfərlərinin əsas məqsədinin ölkədəki vəziyyəti təhlil etmək olduğunu bildiriblər.
Fitch-lə əməkdaşlıq 2005-ci ilin iyulunda Maliyyə Nazirliyi ilə Fitch Ratings arasında imzalanmış 3 illik müqavilə əsasında həyata keçirilir. Və gözlənilir ki, ölkənin yeniləşdirilmiş reytinqi dekabrın sonlarında və 2006-cı ilin əvvəllərində elan ediləcək. Razılaşmaya görə, reytinq agentliyi 2005-07-ci illər ərzində ölkədə suveren rekytinqin mənimsənilməsi üçün icmal keçirəcək. Fitch xidmətlərinin ödənilməsi üçün Maliyyə Nazirliyi hər il dövlət büdcəsinə 40 min funt sterlinq vəsait ödəyəcək.
Fitch Ratingsin 2004-cü ildə elan etdiyi son reytin rəyinə görə Azərbaycanın reytinqi xarici üzünmüddətli öhdəliklər və valyutalar üzrə "VV-" səviyyəsindən "VV" səviyyəsinə qədər qaldırılıb, xarici valyuta ilə qısamüddətli reytinq isə "V" səviyyəsində təsdiq edilib. Yüksəldilmədən sonra uzunmüddətli reytinq üzrə "sabit"proqnozu verilib.