Gələn ilin martında Bakıda Azərbaycan və Ukrayna iş adamlarının iştirakı ilə biznes forum keçiriləcək. Bu barədə Azərbaycanda İnvestisiyaların və İxracın Təşviqi Fondundan Trend xəbər agentliyinə məlumat verilib. Verilən məlumata görə, bununla bağlı Ukraynadan iş adamlarından ibarət böyük bir nümayəndə heyəti Bakıya səfərə gələcək. Nümayəndə heyətinin tərkibinə iqtisadiyyatın müxtəlif sahələrində fəaliyyət göstərən iş adamları daxil olacaq. Forumda ölkələr arasında iki tərəfli iqtisadi əlaqələrin genişləndirilməsinin yolları müzakirə olunacaq və iş adamların görüşü təşkil olunacaq.
Qeyd edək ki, forumun Ukrayna prezidenti Viktor Yuşenkonun Bakıya səfəri müddətində keçirilməsi nəzərdə tutulur.