Azərbaycan Dövlət Dəmiryolu İdarəsinin sədr müavini İqbal Hüseynovun sədrlik etdiyi nümayəndə heyəti Tbilisidə Avropa -Qafqaz-Asiya nəqliyyat dəhlizinə (TRACECA)əlavə yüklərin cəlb olunması çərçivəsində ekspertlərin növbəti görüşündə iştirak edəcək. Bu barədə Trend ə ADDİ-dən məlumat verilib. İ.Hüseynov layihə çərçivəsində yaradılaq əlaqələndirmə qrupunun rəhbəridir. Buraya həmçinin, Azərbaycanın Nəqliyyat Nazirliyinin, Gürcüstanın İqtisadi İnkişaf Nazirliyinin və Qazaxıstanın Nəqliyyat və Kommunikasiya Nazirliyinin nümayəndələri də daxildir.
Tbilisidə keçirilən görüşün məqsədi layihə çərçivəsində konteyner qatarının buraxılışı üzrə yekun müzakirələrin aparılmasıdır. İlkin mərhələ 28 vaqondan ibarət olan konteyner qatarının buraxılışı reklam aksiyası olacaq ki, bunun sayəsində 2006-cı ildən TRACECA ilə yük daşınmaları əhəmiyyətli dərəcədə artacaq.
Oktyabrın sonlarında TRACECA -nın inkişafı çərçivəsində Aktau limanında keçəirilən işçi iclası zamanı Azərbaycan, Gürcüstan və Qazaxıstan dəhlizlə konteyner yüklərinin daşınması üzrə uyğun tariflərin tətbiqi üzrə razılığa gəliblər. 1 ton/km yük üçün tarif $0,022 təşkil edir.
