Aqroliziq ASC-nin vəsaiti ilə alınmış gübrələrin birinci hissəsi Azərbaycana gətirilib. ASC-dən Trend ə verilən məlumata görə, hazırda ölkəyə 1248 ton gübrə gətirilib. Bu gübrələr ASC-nin bazaları vasitəsilə regionalara paylanılacaq.
"Bundan başqa, yaxın günlərdə ölkəyə 6700 ton gübrə gətiriləcək", - deyə müəssisədə bildirilib.
Gübrələrin alınmasına dair saziş noyabrın 15-də Super Trading LLC şirkəti ilə imzalanıb. Sazişdə 20 mlrd manat məbləğində 25 min tondan artıq gübrənin tədarükü nəzərdə tutulub.
Bundan başqa, 2006-cı ildə ASC xətti ilə dövlət büdcəsinin hesabına pestisid və gübrənin alınması planlaşdırılır.