Azərbaycanın Dövlət Gömrük Komitəsi (DGK) attaşe göndəriləcək ölkələrin siyahısını müəyyən edib. Trend bildirir ki, fevralın 22-də DGK sədri Aydın Əliyev bu barədə bəyan edib.
Onun sözlərinə görə, attaşe Gürcüstan, Rusiya, İran, Türkiyə və Belçikaya göndəriləcək.
"Gürcüstan ilkin prioritetdir və bizim orada öz nümayəndəliyimiz olmalıdır ki, əsasən Gürcüstan ərazisi ilə Ermənistana yük daşınmasına nəzarətlə və Azərbaycan-Gürcüstan sərhədindəki məsələlərin həlli ilə məşğul olsun" -deyə A.Əliyev qeyd edib.
Rusiya, İran və Türkiyədə nümayəndəliklərə toxunan Komitə sədri qeyd edib ki, bu ölkələr Azərbaycanın və DGK-nin sıx əməkdaşlıq etdiyi DTT-nin əsas ticarət tərəfdaşlarıdır. Məhz bu ölkələrə də attaşe göndərilməsi məqsədəuyğun hesab edilib.
"Əməkdaşlar müsabiqə yolu ilə DGK ştatından mühüm iş təcrübəsinə malik olması və müxtəlif dilləri bilməsi nöqteyi nəzərindən seçiləcək" -deyə A.Əliyev qeyd edib.