Küveytin Dövlət Audit Bürosunun prezidenti (State Audit Bureau of Kuwait) Barak Xaled Əl-Mərzuk (Barrak Khaled AL-Marzouq) Azərbaycanın Hesablama Palatası rəhbərliyini bu ölkəyə səfərə dəvət edib. Bu barədə Trend ə HP-dən məlumat verilib.
HP-nin sədri Namiq Nəsrullayevin rəhbərliyi ilə martın 5-7-də Küveytə səfər tanışlıq xarakteri daşıyacaq.
Azərbaycan üçün Küveytin Audit bürosunun təcrübəsi çox əhəmiyyətlidir. Neft gəlirlərinin yüksək auditi, neft hasilatı zamanı ətraf mühitə təsirin auditi və audit sahəsində kadr hazırlığı məsələləri xüsusi maraq kəsb edir.
"Azərbaycanın Hesablama Palatası və Küveytin audit müəsissələri arasında hələlik hər hansı ikitərəfli münasibətlər qurulmayıb", - deyə dövlət strukturunda qeyd ediblər.
