Maliyyə Nazirliyi və Moodys beynəlxalq reytinq agentliyi arasında illik müqavilə imzalanıb. Maliyyə Nazirliyindən Trend ə verilən məlumata görə, agentstlik 2006-cı il üzrə suveren reytinqin mənimsənilməsi üçün ölkədə icmal aparacaq. Bu günlərdə 2-ci reytinq agentliyinin seçilməsi üçün hökumətin məsləhətçisi olan LondonunCity Group şirkəti imzalanmış sənədi Azərbaycan tərəfinə təqdim edib.
Azərbaycan hökuməti adından müqaviləyə maliyyə nazirinin müavini Heydər Əsədov imza atıb və bundan sonra sənəd Moodys şirkətinə təqdim edilib.
İkinci reytinq agentliyinin xidmətlərinin ödənilməsi üçün dövlət büdcəsindən $40 min vəsaitin ayrılması nəzərdə tutulub.
İkinci agentliyin dəvət olunması artıq 2006-cı ildə iki agentlikdən reytinq əldə etməyə imkan verəcək. Bu yaxınlarda beynəlxalq reytinq agentliyi Fitch Ratings Azərbaycanın suveren reytinqini əvvəlki səviyyədə, xarici və yerli valyutada VV səviyyəsində (2004-cü ildə olduğu kimi), "sabit" proqnozda saxladığını təsdiqləyib. Eyni hamanda, agentlik qısamüddətli reytinqini V səviyyəsində təsdiqləyib. Maliyyə naziri Əvəz Ələkbərov bunu beynəlxalq ekspertlərin çox aşağı və ehtiyatlı qiymətləndirməsi hesab edir. Lakin o, 2006-cı ildə bu səviyyənin qalxacağına ümid edir.
