Azərbaycanda vergi sistemi və Vergilər Nazirliyinin fəaliyyəti ilə tanış olmaq məqsədilə martın 3-cü ongünlüyündə Rusiyanın Federal Vergi Xidmətinin nümayəndə heyətinin Bakıya səfəri gözlənilir. Bu barədə Trend ə Azərbaycanın Vergilər Nazirliyindən məlğumat verilib.
RF-nın Vergilər və Rüsumlar üzrə Nazirliyinin dağılmasından sonra Rusiyanın vergi xidməti nümayəndələrinin Azərbaycana ilk səfəridir.
Dəvətnamə Federal Vergi Xidmətinin rəhbəri Anatoli Serdyukova göndərilib. Lakin nümayəndə heyətinin dəqiq tərkibi səfərin vaxtı yaxınlaşdıqdan sonra müəyyən olunacaq.
Nazirlikdən bildirildiyi kimi, iki ölkənin vergi orqanlarının qarşılıqlı görüşləri təcrübə mübadiləsinin genişləndirilməsi məqsədilə keçiriləcək. İndiyə kimi səmərəli ifnormasiya mübadiləsi verginin ödənilməsindən yayınma hallarının ləğv olunması zamanı həyata keçirilirdi. Bu istiqamətdə əməkdaşlığın genişləndirilməsi üçün Rusiyanın Vergi xidməti ilə AR-nın Vergilər Nazirliyi arasında müvafiq tədbirlərin keçirilməsi nəzərdə tutulu.
İki ölkənin vergi orqanları həmçinin, MDB üzvü olan ölkələrin vergi xidmətləri rəhbərlərinin Əlaqələndirmə Şurası çərçivəsində həyata keçirilir. Azərbaycanın Vergilər Nazirliyi həmçinin, vergi tədqiqatları orqanlarının Əlaqələndirmə Şurası çərçivəsində RF-nın Daxili İşlər Nazirliyi ilə dəəməkdaşlıq edir.