Azərbaycanın Ümumdünya Ticarət Təşkilatına daxil olması üzrə danışıqlar çərçivəsində növbəti görüş 2006-ci ilin sonu və 2007-ci ilin əvvəlində Çenevrədə aparıla bilər. Ölkədə danışıqlar prosesində bir il ərzində keçirilən 2 görüşün keçirilməsinə ilk dəfə təsadüf olunur. Trend in verdiyi məlumata görə, bu barədə xarici işlər nazirinin müavini, danışıqlar qrupunun rəhbəri Mahmud Məmmədquliyev bildirib. O, ikitərəfli danışıqların ÜTT-ya üzv olan hər hansı bir ölkədə keçiriləcəyini və ya onların Azərbaycana dəvət olunmasının mümkünlüyünü istisna etməyib.
İndiyə kimi Azərbaycan ÜTT ilə 4 görüş keçirib. Əgər ilk iki danışıq xarici ticarət rejimi məsələlərinin müzakirəsinə həsr olunmuşdusa, 2005-ci ildən başlayaraq son iki görüşdə ölkə irimiqyaslı danışıqlara başlayıb. İkitərəfli danışıqlar Azərbaycan bazarına mal və xidmətlərin daxil olması, bu sahədə kənd təsərrüfatı və ixrac subsidiyalarının daxili satışı kimi məsələlər müzakirə olunur. ÜTT-nın tələblərinə görə, idxal olunan və yerli mal və xidmətlər üçün vahid rejim tətbiq edilməlidir. Eləcə də, aksiz vergisi üzrə vahid dərəcələr müəyyən edilməlidir. M.Məmmədquliyev hesab edir ki, gömrük tarifləri daxili bazarın müdafiəsi üçün əsas ölçüdür və buna görə də ölkə yerli istehsalçılar üçün maksimum əlverişli şərait yaratmalıdır. AB və ABŞ-ın mövqeyi ÜTT-yə daxil olan ölkənin gömrük tarifləri üzrə öz üzərinə maksimum öhdəliklər götürməsindən ibarətdir. Bu gün Azərbaycanda gömrük tarifləri üzrə maksimum dərəcə 15% təşkil edir. Lakin kənd təsərrüfatının və sənayenin inkişafı üçün idxal dərəcələrini artırmaq imkanla
rı mövcuddur.
Çoxtərəfli danışıqlar çərçivəsində Azərbaycan başlıca olaraq ÜTT-yə üzv olan inkişaf etmiş ölkə statusunu əldə etməlidir. Bu zaman kənd təsərrüfatına daxili dəstək 10% səviyyəsində, inkişaf etmiş ölkə statusunda isə 5%-ə qədər ola bilər. Azərbaycan bu məsələdə artıq Malayziya, Avstraliya və digçər ölkələr tərəfindən dəstək alıb.
Bu gün Azərbaycan qarşısında həmçinin, qanunvericiliyi təkmilləşdirmək, onu beynəlxalq standartlar, ÜTT standartları səviyyəsinə çatdırmaq kimi vəzifə durur. "Bu, ölkəyə iqtisadi islahatları uğurla davam etdirmək üçün hər şeydən əvvəl lazımdır", - deyə nazir müavini qeyd edib.
