Dövlət Gömrük Komitəsi (DGK) kompüterləşdirmə və texniki xidmətlərin göstərilməsi üzrə tender elan edib. Trend in verdiyi məlumata görə, tenderin predmeti komitənin aparatının özündə və ona tabe olan gömrük orqanlarında problemlərin həllinə aid tapşırıqların kompüterləşdirilməsi, ofis texnikasının quraşdırılması, DGK-nin saytı üzrə xidmətlər, nəzarət və texniki xidmətlərin göstərilməsi üzrə avadanlıqların alınmasından ibarətdir.
Tenderdə iştirak etməkdə maraqlı olanlar DGK-yə mayın 26-dan gec olmayaraq 1 min manat məbləğdə vəsait ödəməli və öz təkliflərini təqdim etməlidirlər. Təkliflər paketi mayın 29-da Komitədə açılacaq.
