Azərbaycanın Nəqliyyat Nazirliyi respublikanın yük avtomobil nəqliyyatının inkişafı proqramı üzərində çalışır. Bu barədə Trend ə nəqliyyat nazirinin müavini Musa Pənahov məlumat verib. Bu proqram respublikada avtomobil nəqliyyatı ilə yük daşınmalarının ümumi inkişafı üçün zəruridir.
Onun sözlərinə görə, hazırda Azərbaycanda daşınmaların bu növü ilə məşğul olan və bu istiqamətdə işlərin aparılması imkanlarına malik çoxlu sayda özəl şirkətlər var. Ona görə də maliyyə məsələsi bu sahədə əsas problem deyil. Odur ki, bu sektorda dəqiq proqrama malik olmaq vacibdir.
Nqəliyyat Nazirliyi elə bir sistem işləyib hazırlamalıdır ki, bu, Azərbaycanın özəl yükdaşıyıcıları bazarda daha səmərəli iştirak etməsinə və öz işini keyfiyyətli qurması üçün şərait yaratmalıdır.
M.Pənahovun sözləriən görə, hazırda Nəqliyyat Nazirliklərinin Avropa konfransının təqdim etdiyi kvotalardan Avropa zonasındakı ölkələrdə yükdaşımalarının həyata keçirilməsində çox zəif istifadə olunur. Bu azərbaycanlı yükdaşıyıcılarında Avropa standartlarına uyğun gələn avtomobil nəqliyyatı vasitələri çatışmır.
