"Dərman vasitələri haqqında" qanunun tələblərini pozanlar cəzalanacaqlar. Bu barədə Trend nə Milli Məclisin sosial siyasət daimi komissiyasından bildiriblər.
Qeyd edək ki, adıçəkilən qanunda dərman vasitələrinin reklamının xüsusi qaydada həyata keçirilməsi göstərilir. Komissiyadan verilən məlumata görə, KİV-də yalnız həkim resepti olmadan buraxılan dərman vasitələrinin reklamına yol veriləcək. Formasından asılı olmayaraq dərman vasitələrinin reklamı onların klinik tədqiqatları zamanı əldə olunan farkoloji göstəricilərə uyğun olmalıdır.
Dərman vasitələrinin reklamı təhlükəsiz, əlavə təsiri az olan vasitə kimi təqdim edilməli, onun tərkibi, mənşəyi və patentləşdirilməsi barədə məlumat verilməlidir. Bu qaydaları pozanlar məsuliyyətə cəlb olunacaqlar.
