Azərbaycan Meliorasiya və Su Təsərrüfatı ASC Taxtakörpü su anbarı və onun elektirk stansiyasında tikinti işləri üzrə tender elan edib. Trend agentliyinin ASC-yə istinadən yaydığı məlumata əsasən, maraqlananlar Samur-Abşeron kanalı layihəsinin işçi qrupuna iyunun 14-nə qədər müraciət edə bilər.
Samur-Abşeron kanalı və 50 km-lik ərazisinin bərpa layihəsini 2007-ci ilin yayında başa çatdırmaq planlaşdırılır.
AİB ilə birgə gerçəkləşdirilən Samur-Abşeron kanalının bərpa layihəsinə daxil olan Xanarx kanalının tikintisini 2006-cı ilin yayında başa çatdırmaq nəzərdə tutulub. Kanalın uzunluğu 67 km. təşkil edir. İstismara verildikdən sonra kanal Xaçmaz, Quba, qusar və Dəvəçi rayonlarının 62 min hektarlıq ərazisini su ilə təmin edəcək və Samur-Abşeron kanalının imkanlarını genişləndirəcək.
Vəlvəlçay-Taxtakörpü kanalının tikintisi isə 2009-cu ildə başa çatacaq.
