Azərbaycan Ümumdünya ticarət təşkilatına daxil olduqdan sonra yarana biləcək mənfi nəticələri minimallaşdırmalı və müstəqil dövlət kimi qalmaqda davam etməlidir. Trend in xəbər verdiyi kimi, bu barədə bu gün "Bakıda ÜTT-nin birinci həftəsi"nin dəyirmi masasının açılışında iqtisadi məsələlər üzrə parlament komissiyasının başçısı Ziyad Səmədzadə xəbər verib.
Bu gün Azərbaycan iqtisadi islahatların yeni mərhələsindədir və ÜTT-yə daxil olmaqla qanunvericiliyin təkmilləşdirilməsi iqtisadi sistemin təkmilləşdirilməsi kimi başa düşülə bilər.
Z.Səmədzadənin fikrincə, bank, sığorta, gömrük və s. qanunvericiliklərdə dəyişikliklər etmək lazımdır. Xüsusilə də, aqrar sektorda dəyişikliklər edilməlidir. O göstərib: "Problemlərin həlli üçün vaxt tələb olunur və Kənd təsərrüfatı nazirliyi bu sahədə ciddi islahatlar keçirməyə cəhd göstərməlidir".
Z.Səmədzadə bildirib: "Əgər Azərbaycan kənd təsərrüfatında subsidiyaların azaldılmasına başlasa, o zaman bu sahədə uzun müddət inkişaf olmayacaq, çünki ölkə əhalisinin 48%-i kənd yerində cəmləşib. Bununla əlaqədar mütəxəssislər danışıq prosesində ölkənin ərzaq təhlükəsizliyini təmin etməyə çalışmalıdırlar".
O deyib: "Danışıq prosesində biz aqrar sektorda maddi-texniki bazanın güclənməsini təmin etməli, məhsulun rəqabət qabiliyyətini artırmalıyıq. Moldovanın misalında ÜTT-yə daxil olma prosesinin tezləşdirilməsinin nəyə səbəb olduğunu görmək olar, yəni bu mərhələdə Moldova şərabları ilə problemlərlə əlaqədar heç bir ölkə onun müdafiəsinə durmadı".
Z.Səmədzadə öz fikrini belə tamamlayıb: "Hökümət, Milli Məclis və vətəndaş cəmiyyəti ÜTT-yə daxil olma prosesində yaranmış problemləri obyektiv şəkildə qiymətləndirməlidirlər".