Bakıda QTİB-ın Azərbaycan tərəfdən idarəçisi, Azərbaycanın iqtisadi inkişaf naziri Heydər Babayevin sədrliyi altında Qara dəniz Ticarət və İnkişaf Bankının (QTİB) idarəçilər şurasının illik səkkizinci iclası baş tutub. Trend in bildirdiyi kimi, QTİB öz illik iclasını Azərbaycanda keçirən ilk beynəlxalq maliyyə institutu olub.
İdarəçilər şurası 2005-ci il üçün bankın maliyyə hesabatını təsdiq edib, bu hesabatda QTİB-ın kredit portfeli 670 milyon ABŞ dollarından çox artıb.
İclasın gedişində idarəçilər 2005-ci iln iyun ayından etibarən İdarəçilər Şurasında uğurlu sədrliyə görə Heydər Babayevə öz minnətdarlıqlarını bildiriblər. Şura 2007-ci ilin iyun ayında Kişinyovda keçirilməsi nəzərdə tutulan QTİB-in növbəti illik idarəçilər şurasına qədər QTİB-in Moldova tərəfdən olan idarəçisini Şuranın sədri, həmçinin Azərbaycan və Türkiyə tərəfdən olan idarəçiləri Şura sədrinin müavinləri qismində seçib.
Qara dəniz İqtisadi Əməkdaşlıq Təşkilatının, təşkilatın Rəsmi Şurası və Parlament Assambleyasının nümayəndələri Şuranın iclasında iştirak ediblər.
