...

AGLeasing 2006-ci ilin sonuna qədər nizamnamə kapitalını iki dəfə artırmağı planlaşdırır

Biznes və iqtisadiyyat xəbərləri Materials 13 İyun 2006 20:36 (UTC +04:00)

AGLeasing lizinq şirkəti nizamnamə fondunun 1 mln. manata qədər artırılması ilə əlaqədar Qiymətli Kağızlar üzrə Dövlət Komitəsində 400 min manat həcmində səhm emissiyasının qeydiyyatını başa çatdırıb. "Hazırda biz ən kapitallaşdırılmış lizinq şirkətiyik və təsisçilərimizin gələcəkdə də şirkəti inkişaf etdimək niyyətində olması onu göstərir ki, bu il həmin məsələyə yenə də qayıdacağıq" - deyə şirkətin meneceri Azər Məmmədov jurnalistlərə bildirib. Növbəti artırılma zamanı şirkətin kapitalı 2 mln. manata çatdırılacaq.

O, səmdarların iştirak payının mütənasibliyinin yenidən dəyişdirilməyəcəyini istisna etmir.

2005-ci ildə şirkət yaradıldıqda, AGLeasing-ın nizamnamə kapitalı 600 min manat həcmində formalaşdırılıb ki, bu da 4 təsisçi arasında bərabər hissəyə bölünüb. Emissiyanın ödənilməsindən sonra səhmdarların iştirak payının mütənasibliyi dəyişib və aşağıdakı kimidir: Azəriqazbank və İngiltərənin Hiperion Capital Management şirkəti - 30%, Amerikanın Delta Trans LLC şirkəti - 25%, İngiltərənin Milio Leasing Limited şirkəti -15%.

Xəbər lenti

Xəbər lenti