2006-cı ilin iyununda istehlak malları qiymətlərinin və xidmət tariflərinin artım sürəti may ayı ilə müqayisədə 0,1% təşkil edib. Dövlət Statistika Komitəsindən Trend ə verilən məlumata əsasən, bu müddətdə istehlak malları - 0,3%, qeyri-ərzaq malları -0,2%, xidmət tarifləri - 0,1% bahalaşıb.
May ayına nisbətən iyunda meyvələrin qiyməti 0,2%, ət məhsullarının - 1,5%, çörək məhsulları - 0,3%, yağ və piy - 0,1%, süd məhsulları, yumurta və pendir - 4,2% artıb, spirtli içkilər- 0,1%, balıq məhsulları- 1,1%, tərəvəz - 9,1% ucuzlaşıb.
Ötən ilin yanvar-iyun ayları ilə müqayisədə inflyasiyanın artım sürəti 6% təşkil edib. Bununla yanaşı, ərzaq malları -7,7%, qeyri-ərzaq malları - 4,7%, xidmət tarifləri - 2,8% bahalaşıb.
