Azərbaycanın Nəqliyyat Nazirliyinin yol tikintisi departamenti "Bakı-Şamaxı-Muğanlı" avtomobil yolunun yenidənqurulma layihəsi çərçivəsində tender elan edib. Bu barədə Trend ə Nəqliyyat Nazirliyindən bildiriblər. Əsas tenderin oktyabrda keçirilməsi nəzərdə tutulub. Layihə Dünya Bankının vəsaitləri hesabına maliyyələşdirilir.
Layihə 3 müqaviləyə bölünüb: birincidə şəhərdaxili avtomobil yolunun 2 zolaqdan 4 zolağa qədər 15 km genişləndirilməsi (yolun başlanğıcından) nəzərdə tutulub, ikincidə mövcud 2 zolaqlı 65 km uzunluqlu avtomobil yolunun yenidən qurulması (15 km-dən 80 km-ə qədər), üçüncüdə isə 44 km uzunluqlu 2 zolaqlı yolun yenidən qurulması nəzərdə tutulub.
İşlərin nəzərdə tutulmuş həcmi yol örtüyünün, asfalt tərkibinin və yolun asfalt örtüyünün tamamilə təkmilləşdirilməsi, körpülərin tikintisi və boruların və yol qovşaqlarının çəkilişindən ibarətdir.
Sənədlər sentyabrın 8-dən etibarən qəbul olunacaq.
DB Direktorlar Şurası 2 avtomagistralın yenidən qurulması üçün 200 mln. ABŞ dolları həcmində kreditin ayrılmasına icazə verib. Layihənin əsas məqsədi- nəqliyyat xərclərinin azaldılması və Azərbaycanın Şərq-Qərb və Şimal-Cənub dəhlizlərindən keçmək üçün daxil olmanın, tranzitin artırılması və yol təhlükəsizliyinin təmin edilməsidir. Bunun üçün Ələt- Astara- İran sərhəddi magistralının bəzi hissələrinin yenidən qurulması və Bakıdan qərbdə yerləşən mühüm fermer təsərrüfatlarına ən qısa yol olan Bakı -Sumqayıt yolunun bərpası nəzərdə tutulub.
Layihədə Ələt- Masallı avtomagistral marşrutunun genişləndirilməsi və dəyişdirilməsi nəzərdə tutulub. Bunun nəticəsində onun uzunluğu 230 km-dən 200 km-ə qədər azalacaq. Həmçinin bu layihədə Bakını respublikanın qərb rayonları ilə birləşdirən Bakı-Şamaxı-Muğan yolunun təmiri də nəzərdə tutulub.
