3 azərbaycanlı fermer və Quba Elmi-Aqrar Mərkəzinin direktoru İlham Qurbanov Fransada işgüzar səfərdə olub. Kənd Təsərrüfatı Nazirliyinin Elmi-Aqrar Mərkəzindən Trend ə verilən məlumata görə, səfər Frazer layihəsi çərçivəsində həyata keçirilib. Bu layihə Quba regional elmi-aqrar mərkəzində səfirliyin və Luara Departamentinin Kənd Təsərrüfatı Palatasının dəstəyi ilə 2003-cü ildən gerçəkləşdirilir.
Layihə çərçivəsində indiyədək 4 min hektardan çox sahədə pilot meyvə bağları salınıb.
Bir həftə davam etmiş səfər zamanı fermerlər alma bağlarına baş çəkib, əkin, meyvələrə qulluq metodları və s. proseslərlə yaxından tanış olub.
