Qaradağ Sement 2006-cı il ərzində 7 mln. AZN məbləğində sərmayə qoymağı planlaşdırır. Bu barədə Trend ə eksklüziv olaraq şirkətin başçısı Uve Kehler bildirib.
Onun sözlərinə görə, vəsaitlər əsasən ASC-də texniki işlərə, yeni elektrik yarımstansiyaların tikintisinə və s. yönəldiləcək. 2007-ci ildə də həmçinin bu həcmdə sərmayə qoyulacağı müəyyən olunub.
2006-cı ildə müəssisənin istehsalı 1,3 mln. ton həcmində planlaşdırılıb.
2005-ci ildə Qaradağ Sementin sərmayələri 10 mln. ABŞ dolları təşkil edib. Vəsaitlər əsasən xammal emalı, elektrostatistik filtirlərin yaxşılaşdırılmasına, həmçinin qablaşdırma xətlərinin yenilənməsinə və müəssisənin nəqliyyat bazasının genişləndirilməsinə sərf olunub. Hazırda şirkətdə 551 işçi var, cari ilin əvvəlində onların əmək haqqı qaldırılıb.
ASC öz fəaliyyətinə 1999-cu ildə başlayıb və Azərbaycanda klinker və onun əsasında sementin yeganə istehsalçısıdır. Şirkət daxili bazarın böyük hissəsini yüksək keyfiyyətli məhsulla təmin edir. Bu məhsul həm yerli, həm də beynəlxalq standartlara cavab verir.
