Azərbaycan Milli Bankı ötən ilin dekabrı ilə müqayisədə bu ilin iyulunda manatın ölkənin ticarət tərəfdaşlarının valyutalarına nisbətdə nominal effektiv məzənnəsinin ucuzlaşdığını təsdiqləyir. AMB-dən Trend ə verilən məlumata görə, ümumi ticarət dövriyyəsində məzənnə 1,3%, idxalda - 0,6%, ixracda - 1,8% aşağı düşüb. 2005-ci ilin analoji dövrü ilə müqayisədə nominal effektiv məzənnə ümumi ticarət dövriyyəsində 2,1%, idxalda - 2,5%, ixracda isə 1,8% bahalaşıb.
AMB-nin hesablamalarına görə, ötən ilin sonları ilə müqayisədə iyulda manatın nominal effektiv məzənnəsi qeyri-neft sektoru üzrə ümumi ticarətdə - 0,7%, idxalda - 0,2%, ixracda isə 1,2% bahalaşıb. 2005-ci ilin analoji dövrünə müvafiq olaraq məzənnə 4,3%, 4,2% və 3,8% artıb.
2005-ci ilin dekabr ayı ilə müqayisədə 2006-cı ilin iyununda manatın nominal effektiv məzənnəsi xarici ticarətdə (neft sektoru nəzərə alınmaqla) - 10%, idxalda - 2,4%, ixracda - 15,9% azalıb. Qeyri neft sektorunda manatın nominal effektiv məzənnəsi 3,4%, 11,5% və 2,1% artıb.
