...

Azərbaycan-Ukrayna hökumətlərarası komissiyasının iclasının tarixi müəyyən edilib

Biznes və iqtisadiyyat xəbərləri Materials 30 Avqust 2006 18:25 (UTC +04:00)

Trend-i buradan izləyin

Azərbaycan-Ukrayna hökumətlərarası iqtisadi əməkdaşlıq komissiyasının 7-ci iclası sentyabrın 1-də Bakıda keçiriləcək. Nazirlər Kabinetindən Trend ə verilən məlumata görə, Ukrayna baş nazirinin yanacaq-energetika kompleksi üzrə müavini Andrey Klyuyevin rəhbərlik etdiyi hökumət nümayəndə heyəti Bakıya avqustun 31-də komissiyanın işində iştirak etmək üçün gəlir. A.Klyuyev Ukrayna tərəfindən komissiyanın həmsədridir.

Azərbaycan tərəfdən komissiyanın sədri baş nazirin 1-ci müavini Yaqub Eyyubovdur. Onun tapşırığı ilə hökumətlərarası komissiyanın iclasının təşkili və Ukrayna prezidenti Viktor Yuşenkonun Bakıya səfəri ərəfəsində keçirilməsi prosesinin sürətləndirilməsi qərara alınıb.

Komissiyanın iclasında səfər çərçivəsində imzalanması nəzərdə tutulan sənədlərə baxılacaq. Bu, ətraf mühitin mühafizəsi, dövlət sınaqları və bitki növlərinin qorunması sahəsində, diplomatik əməkdaşların hazırlanması, ARDNŞ və "Ukrayna Neftqaz" arasında qarşılıqlı əməkdaşlıq haqqında sazişlər və siyasi bəyannamədən ibarət 5 sənəddir.

İclasda ticari-iqtisadi əməkdaşlığın inkişafı, Azərbaycan neftinin Odessa-Brodı boru kəməri ilə tədarükü perspektivləri, borc öhdəlikləri ilə bağlı məsələlərə baxılacaq. Qarşılıqlı iddia məsələlərindən 1999-2000-ci illərdə Ukraynanın ARDNŞ-dən aldığı dizel yanacağına görə əmələ gəlmiş $5,2 mln həcmində borc ödəliklərinin həlli birinci yerdədir. Azərbaycan hökuməti iclasa hazırlıq çərçivəsində bu borcun nağd vəsaitlə məcburi ödənilməsi məsələsini qoyub.

Hökumətdən hesab olunur ki, bu, borcun yalnız bir hissəsidir. Yerdə qalan hissə təsərrüfat subyektləri arasında 90-cı illərin əvvəllərində yaranıb. Ancaq bu gün bəzi müəssisələr ləğv edilib. Ukrayna tərəfinin dəfələrlə müraciətinə baxmayaraq, bu borcların heç biri, o cümlədən ARDNŞ-in borcu dövlət borcu kimi rəsmiləşdirilməyib. Bu, Azərbaycanın Ukraynaya olan borclarına da şamil edilir. Bu borclar ticari-tiqtisadi fəaliyyət subyektləri arasında əmələ gəlib və dövlət buna görə məsuliyyət daşımır.

Komissiya çərçivəsində restrukturlaşdırma mexanizmlərini təsdiqləmək mümkün olmayacaq. Çünki bu halda Ukrayna tərəfi artıq mövcud olmayan müəssisələrin borclarını, o cümlədən AR-dən göndərilmiş və boşaldılmış mazut sisternlərinə görə vəsaitləri də nəzərə almalı olacaq. Ukraynaya borc turbin və digər məhsulların alınması nəticəsində əmələ gəlib.

Xəbər lenti

Xəbər lenti