Avqustun 31-dən Bakıda olan Yaxın Şərq və Orta Asiya ölkələri ilə iş üzrə Departamentin direktor müavini Vitali Kramarenkonun hazırkı səfəri çərçivəsində Azərbaycan üçün texniki yardımın alınması imkanları müzakirə olunacaq. Bu barədə Trend ə BVF-nin Bakı nümayəndəliyinin rəhbəri Bazel Zavoyko məlumat verib.
"Mill bank və hökumət BVF-dən müxəlif istiqamətlər üzrə texniki yardım istəyir. Bunu əvvəlcə Fonddan soruşmaq və texniki missiyanın gəlişinin mümkünlüyünü və müddətini dəqiqləşdirmək lazımdır", - deyə o bildirib.
BVF, həmçinin, istehlak qiymətlərinin indeksinin hesablanması üzrə ümumi metodologiyanın təkmilləşdirilməsi istiqamətində də yardımı davam etdirməyə hazırdır", - deyə B.Zavoyko qeyd edib.
Birinci texniki missiya Azərbaycana 2006-cı ilin fevralında səfər edib. "Biz Dövlət Statistika Komitəsi ilə danışıqlar aparmaq niyyətindəyik. Əgər onlar istəsə, o zaman əlavə kömək ediləcək. Ola bilsin ki, sentyabrda büdcə bölgüsü üzrə missiya çərçivəsində inflyasiyanın hesablanma metodogiyası ilə bağlı məsələlər də müzakirə olunsun. Missiyanın tərkibində BVF-nin statistika şöbəsinin nümayəndələri də gələ bilər", -deyə B.Zavoyko bildirib.