Ərəb maliyyə institutlarının, ərəb ölkələri iş adamlarının iştirakı ilə investisiya konfransına hazırlıqla bağlı təşkilatı məsələləri müzakirə etmək üçün sentyabrın 11-də Bakıya İslam İnkişaf Bankının (İİB) nümayəndəsi Hişam Tələb Marruf gələcək.
Hazirlər Kabinetindən Trend ə verilən məlumata görə, səfər sentyabrın 13-dək davam edəcək. İİB konfransın təşkilinə $274 min məbləğində qrant ayırıb. İmzalanmasına baxmayaraq, qrant sazişi hələ hüquqi qüvvəyə minməyib.
Qonaqların ölkəyə gəlmək və getmək tarixləri noyabrın 7-10-na nəzərə alınmaqla, konfransın keçirilməsi Bakıda noyabrın 8-9-na planlaşdırılıb. Təşkilati məsələlərə Azərbaycan tərəfindən İqtisadi İnkişaf Hazirliyinin Sahibkarlıq Departamenti və Azərbaycanın İxracın və Sərmayənin Təşviqi Fondu (AZPROMO) cəlb olunublar.
Konfransın keçirilməsi üçün bütün xərclər, əsasən, İslam bankının üzərinə qoyulub, hökumət isə bütün daxili xərcləri (nəqliyyat və s.) ödəyəcək.
