Hazırda Rusiya tərəfi ehtiyac yarandıqda öz qatarlarını Azərbaycanın Biləcəri stansiyasına qədər aparır və bu, lokomotiv çatışmazlığı problemini həll etməyə imkan verir. Bu barədə Trend ə respublika hökümətindən məlumat verilib. Əvvəl lokomotivlər çatışmadığından vaqonlar (xüsusilə neft yükləri ilə) Gürcüstanda dayanırdı. Hökümət nümayəndələri qeyd edib ki, hazırda bu məsələlər həll olunub.
Avqust ayının ortalarında Rostovda (Rusiya) Azərbaycan, Gürcüstan və Rusiya dəmir yol nümayəndələrinin danışıqlarının yekununa görə mümkün qədər qısa vaxtda yük qatarlarının ötürülmə həcminin dövlətlərarası qovuşuq məntəqəsi üzrə Samur-Yalama ərazisində sutkada 12 cütə qədər, Böyük-Kəsik - Qardabani ərazisində 35 cütə qədər artmasını təmin etməyə imkan verən tədbirlər kompleksinin həyata keçirilməsi barədə qərar qəbul olunub.
Tərəflər lokomotivlərin verilməsi və onlara təmir-bərpa xidmətlərinin göstərilməsi haqqında razılığa gəlib. Onların sərhəd və gömrük nəzarəti üçün dayanma müddətinin azaldılması məqsədi ilə Rusiya-Azərbaycan və Azərbaycan-Gürcüstan sərhəd keçidlərində sərnişin qatar və vaqonlarının buraxılış texnologiyası nəzərdən keçirilib, həmçinin elektron bildiriş texnologiyası hazırlanıb.
1 yanvar 2007-ci ilə qədər Dərbənd stansiyasının buraxılış məntəqəsinin qaydaya salınması üzrə işlərin başa çatdırılacağı nəzərdə tutulub. Həmçinin daşımaların artan həcminə müvafiq olaraq Yalama stansiyasının texniki inkişaf imkanları gözdən keçiriləcək. Sentyabr ayında isə informasiyanın gömrük və sərhəd xidmətlərinə informasiyanın verilməsi ilə informasiya mübadiləsi üzrə texnoloji əlaqələrin hazırlanması üçün Şimali Qafqaz və Azərbaycan dəmir yol nümayəndələrinin işgüzar görüşü keçiriləcək.
2006-cı ilin iyun ayında "Daqnefteprodukt" neft bazasından və Türkmənbaşı -Maxaçqala bərə keçidindən keçməklə Türkmənistandan tanker donanması ilə gələn tranzit neft yükləri daşınmağa başlayıb. Daşınmalar "RDY" ASC, Azərbaycan və Gürcüstan dəmir yolları ilə razılaşdırılıb. İyunun 26-da Azərbaycan dəmir yolunun nümayəndələrindən vaqon axınının buraxılması ilə bağlı yaranmış çətinliklərlər səbəbindən qatarların qəbulunun məhdudlaşdırılması haqqında məlumat daxil olub. Nəticədə iyunun əvvəlindən avqustun ortalarına qədər 113 min ton neft və neft məhsullarından yalnız 78,5 min ton göndərilib.
Yaranmış problemləri həll etmək və gələcək işin perspektivlərini müəyyən etmək üçün iyunun sonunda Maxaçqala və Bakıda Şimali Qafqaz ("RDD" ASC filialı) və Azərbaycan dəmir yolu nümayəndələrinin görüşü keçirilib. Görüşdə vəziyyətin sabitləşdirilməsi üçün zəruri olan tədbirlər nəzərdə tutulub. Lakin vəziyyət yaxşılaşmadı. "RDD" ASC sisternləri (iki mindən artıq vaqon) Azərbaycan və Gürcüstan magistrallarında yığılıb qaldı. Nəticədə yükün vurulmasının dayandırılması haqqında qərar qəbul olundu. Birliyin iştirakçı-dövlətlərinin dəmir yolu nəqliyyatı üzrə Şura müdiriyyəti vaqonların təcili qaytarılma rejimini elan etdi. Həmçinin Azərbaycan dəmir yoluna "RDD" VSC-nin mülkiyyəti olan 10 elektrovozun verilməsi və Dərbənd-Biləcəri ərazisində lokomotiv və lokomotiv briqadaları ilə praktiki yardımın göstərilməsi haqqında qərar qəbul olunub.
Sərhəd keçidlərinin işinin təhlili də hazırda vaqon axınının buraxılmasını ləngidən sərnişin qatarlarının buraxılması texnologiyasının gözdən keçirilməsinin zəruri olduğunu göstərib. Məsələn, yalnız Samur stansiyasında sərnişin qatarları bir saatdan çox dayanıb. Hazırda fəaliyyət göstərən Böyük -Kəsik və Qardabani qovuşuq məntəqələri üzrə qatarların buraxılmasının təşkilinin də təkmilləşdirilməyə ehtiyacı var.
