Hazırda yeni tikililərin təxminən 50%-i dövlət qeydiyyatından keçməyib. Trend xəbər verir ki, bu barədə bu gün Daşınmaz əmlakın dövlət reyestri xidmətinin başçısı Arif Qaraşov bildirib.
Onun sözlərinə görə, bunun səbəbi bu binaların dövlət qəbulu ilə bağlı problemlərin olmasıdır. Hazırda yaşayış evlərinin 95%-i özəl şirkətlər tərəfindən tikilir. Onlardan bəziləri müəyyən olunmuş norma, tələb və standartlara cavab vermir. Nəticədə onlar dövlət qeydiyyatından keçə bilmir.
Bundan əlavə, bəzi şirkətlərin maliyyə problemləri var və bu da dövlət qeydiyyatı prosesinə öz təsirini göstərir.
