2007-ci ilin dövlət büdcəsində Azərbaycanın səhiyyə sistemi üçün 2005-ci illə müqayisədə 253 mln manat, 2006-cı illə müqayisədə isə 128 mln çox vəsaitin ayrılması nəzərdə tutulub.
Bu barədə "Trendə" maliyyə naziri Samir Şərifov məlumat verib. Onun sözlərinə görə, bu sektor üçün büdcə xərcləri 60% artıb.
Bununla belə, ÜDM-nin strukturunda səhiyyə sektorunun payı 1,6%, ümumi dövlət xərclərində isə 6,2% təşkil edir.
Cari ildə dövlət büdcəsindən bu məqsəd üçün 225 mln manat ayrılıb ki, bu da 2005-ci ildə bu sektora çəkilmiş xərclərdən 95 mln manat çoxdur.
