Bakıda Milli Polşa Sərgisinin və Azərbaycan-Polşa biznes forumunun keçirilməsi noyabrın 7-10-na planlaşdırılıb. Bu barədə Trend ə Azərbaycan İxracat və İnvestisiyaların Təşviqi Fondundan (AZPROMO) məlumat verilib. Tədbirlər Polşa hökuməti, Polşa Təsərrüfat Palatası, Azərbaycan tərəfdən isə - İqtisadi İnkişaf Nazirliyi və AZPROMO tərəfindən təşkil olunub.
Polşalı biznesmenlər 2006-cı ilin sentyabrın 11-12-də Varşavada hökumətlərarası komissiya zamanı keçirilmiş Azərbaycanın investisiya imkanları üzrə biznes-seminar çərçivəsində biznes forumda iştirak etmək üçün dəvət olunublar.
Bakıya biznes forumda iştirak etmək üçün yeyinti sənayesi, ticarət, inşaat, plastik kartlar, aksiz markaları, şüşə qablar, mülkü sənaye üçün maşın və avadanlıq, vertolyot, mebel istehsalı sahələri, neft, qaz, su sahələrində xidmət və sairə sahələri təmsil edəcək 45-50 şirkətin nümayəndələrinin gələcəyi gözlənilir.
Hökumətlərarası komissiya çərçivəsində Polşa tərəfi Azərbaycana Polşa məhsulları və xidmətlərinin idxalını maliyyələşdirmək üçün Polşa hökumətinin kredit ayırması imkanlarını nəzərdən keçirməyə hazır olduğunu bildirib.
2005-ci ildə ölkələrimiz arasında ticarət dövriyyəsi 3,7% artaraq $22,6 mln. təşkil edib, 2006-cı ilin birinci yarısında isə xarici ticarət əlaqələri $11,7 mln. səviyyəsinə çatıb.
