Azərbaycan Milli Bankının idarə heyətinin iclasının gündəliyinə ipoteka kreditləşməsi sistemi iştirakçılarının siyahısını genişləndirmək məsələsi salınıb. Azərbaycan İpoteka Fondunun (AİF) isracı direktoru Faiq Məmmədovun Trend ə verdiyi məlumata görə, Rabitəbank və ölkənin yeganə regional bankı olan Gəncəbank AİF-in yeni agentləri olmağa hazırlaşırlar.
"Əgər bank bazarda fəal işləyirsə və əhaliyə geniş spektrdə keyfiyyətli xidmət göstərirsə, bu və ya digər bankın ipoteka kreditləşməsi sisteminə qoşulmasını yalnız alqışlamaq olar. Belə ki, iştirakçılar bazarı genişlənəcək, bu isə iştirakçılar arasında rəqabəti və müştərilərə göstərilən xidmətin keyfiyyətini yüksəltməyə yardım edəcək", - deyə F. Məmmədov bildirib.
Sonuncu dəfə fondun müvəkkil banklarına "Bank of Azerbaijan" və "Azərkredit" bankı qoşulub ki, nəticədə də onların sayı 17-yə çatıb.
Bununla yanaşı, ipoteka kreditləşməsi üzrə xidmət göstərən sığorta və qiymətləndirmə şirkətlərin siyahısı genişlənib. Üç sığorta - "Alfa Sığorta" MMC, "Xalq Sığorta" və "Paşa Sığorta" QSC, iki qiy mətləndirmə - konsaltinq şirkəti - "Azerkonsalt" və "Caspian Property Services" AİF vasitəsi ilə ipoteka kreditləşməsi bazarının iştirakçı şirkətləri siyahısına daxil edilib. Hazırda ipoteka bazarının iştirakçısı olan sığorta və qiymətləndirmə şirkətlərinin sayı hər iki istiqamətdə 10-a kimi artıb. Fond rəhbərinin sözlərinə görə, hazırda sığorta və ipoteka təşkilatlarının müraciətlərə baxılmır.
İpoteka kreditləşməsinə başlanandan, 2006-cı ilin mart ayının 1-dən bu günə kimi ümumi məbləği 3 mln. manat olan 130 kredit verilib. Verilmiş ipoteka kreditləri üzrə orta faiz dərəcəsi 9,5%, minimal isə 8% təşkil edir. Kreditin orta məbləği 21 500 manat, kredit üzrə orta aylıq ödəniş 250 manat, minimal isə - 54 manat təşkil edir. Orta yaşayış sahəsi 56 kvadratmetrdir. AİF vasitəsi ilə ipotoka krediti alanların orta yaş həddi 33 yaş təşkil edir.
