...

Maliyyə Nazirliyi 2006-cı ilin 9 ayı ərzində sığorta daxilolmalarının həcmini açıqlayıb

Biznes və iqtisadiyyat xəbərləri Materials 26 Oktyabr 2006 16:54 (UTC +04:00)

Azərbaycan Maliyyə Nazirliyinin operativ məlumatlarına əsasən, 2006-cı ilin 9 ayı ərzində sığorta daxilolmalarının həcmi 62,89 mln. manat ($71,5 mln.) təşkil edib, bu isə 2005-ci ilin analoji dövrü ilə müqayisədə 9,73% azdır. Bu barədə Trend ə nazirlikdən bildiriblər.

Daxilolmaların ümumi həcminin 58,42 mln. manatı ($66,4 mln.) könüllü sığortanın payına düşür. Bu rəqəm keçən ildəkindən 10,7% azdır. Maraqlıdır ki, könüllü sığortanın xüsusi çəkisi 93,9%-dən 92,89%-ə qədər azalıb.

Məcburi sığorta üzrə daxilolmalar 5,18% artaraq 4,47 mln. manat ($5,08 mln.) təşkil edib. Xüsusi çəki isə 6,1%-dən 7,11%-ə qədər artıb.

Üç kvartal ərzində sığorta ödənişləri 192,86% artaraq 35,67 mln. manat ($40,5 mln.) təşkil edib. Könüllü sığorta üzrə ödənişin xüsusi çəkisi il ərzində 88,92%-dən 94,98%-ə qədər artıb. Oktyabrın 1-nə onların həcmi 212,83% artaraq 33,88 mln. manat ($38,5 mln.) təşkil edib. Məcburi sığortanın xüsusi çəkisi 11,08%-dən 5,02%-ə qədər azalıb və 2006-cı ilin 9 ayının yekunlarına görə 1,79 mln. manat ($2,03 mln.) təşkil edib. Məcburi ödənişlərin artımı 32,59% səviyyəsində müşahidə olunur.

Xəbər lenti

Xəbər lenti