...

Almaniya –Azərbaycan fondu tərəfdaş bankların dairəsini genişləndirməyi planlaşdırır

Biznes və iqtisadiyyat xəbərləri Materials 27 Oktyabr 2006 17:55 (UTC +04:00)

Almaniya -Azərbaycan fondu (AAF) bu gün fəaliyyətinin genişləndirilməsi ilə bağlı planlarını açıqlayıb. Bu barədə Trend xəbər verir. Fondun direktoru Andreas Frankenin xəbər verdiyi kimi, AAF tərəfdaş bankların sayını altıdan doqquza qədər artırmağı planlaşdırır. 2001-ci ilin mart ayından AAF-ın tərəfdaşları Bank of Baku və UniBank, 2003-cü ilin yanvar ayından - Parabank və "Respublika" bankı, 2004-cü ilin sentyabr ayından - Azərdəmiryolbank və Azəriqazbankdır.

AAF-ın gələcək planlarına ölkə bölgələrində fəaliyyətin dərinləşdirilməsi daxildir. Regional fəaliyyətin inkişaf etməsi üçün problem olmayacaq, belə ki, AAF-ın tərəfdaş-banklarının bu gün 16 rayonda 65 filialı var. 14 rayonda həmçinin 38 xidmət məntəqəsi mövcuddur.

Hazırda verilmiş kreditlərin 65%-i Bakının payına düşür, kreditlərin 14%-i Beyləqanda yerləşdirilib. Halbuki 4 ay bundan əvvəl bütün kreditlərin 95%-i paytaxtda yerləşmişdi.

Verilmiş kreditlərin sayı 8500 -dür və onların yarısı 2005-06-cı illərin payına düşür. AAF portfelinin strukturuna əsasən, istehsalat və xidmət sahəsində layihələrin maliyyələşdirilməsinə verilmiş vəsaitlərin ən azı 10%-i, ticarət sahəsinə - 77%, kənd təsərrüfatına - 10%-dən çoxu yönəldilib. Borc alanların 80%-i 5 min avroya qədər, 10%-i - 5 mindən 15 min avroya qədər, çox kiçik hissəsi 50 min avrodan artıq həcmdə kredit alıb.

Fond maliyyələşdirməni KFW Almaniya Yenidənqurma Bankının krediti hesabına həyata keçirir. 1999-cu ildən etibarən bank AAF-ə iki tranşla 8,7 mln. avro verib. Onların mənimsənilməsi başa çatıb və hazırda yerli bankların maliyyələşdirilməsi revolver hesabdan həyata keçirilir. A.Frankenin sözlərinə görə, fondun rayonda qalıq portfeli 19-20 mln. avro təşkil edir.

Xəbər lenti

Xəbər lenti