Bu il Azərbaycan Dövlət Xəzər Dəniz Gəmiçiliyi yük daşımalarının həcminin 14 mln. ton olacağını proqnozlaşdırır. Bu həcmdən təxminən 70% neft və neft məhsullarının daşınmasının payına düşəcək. Trend xəbər verir ki, bu barədə gəmiçiliyin rəisi Aydın Bəşirov məlumat verib.
Onun sözlərinə görə, doqquz ayın yekunu üzrə gəmiçiliyin yük daşımalarının həcmi 10 mln. 647,9 min ton təşkil edib. Bu həcm ötən ildəkindən 6,6% çoxdur. Bu həcmin 7 mln. 581,4 min tonu tankerlər, 987,9 min tonu quru mal daşıyan gəmilərlə, 2 mln. 78,6 min tonu isə bərələrlə daşınıb.
Sərnişin daşımalarının həcmi 13,9 min nəfər təşkil edib. Bu həcm ötən ildəkindən 9,4% çoxdur.