2006-cı il yanvar-noyabr aylarında Naxçıvan MR-ə nəqliyyat müəssisələri və fiziki şəxslər tərəfindən 6632,8 min ton yük və 39721,7 min sərnişin daşınıb. Bu barədə Trend ə Naxçıvan MR-in Bakıdakı daimi nümayəndəliyindən xəbər veriblər. 2005-ci ilin həmin dövrü ilə müqayisədə yük daşımalarında artım 11,9%, sərnişin daşımalarında isə 7,2% təşkil edib.
Hər iki istiqamətdən alınan gəlir 22646,2 min manat təşkil edib ki, bu da 8,2% 2005-ci ilin analoji dövrünün göstəricisindən çoxdur.
99,5% yük daşıması (6602,3 min ton) və 94,8% sərnişin daşıması (37650,8 min) və əldə olunmuş ümumi gəlirin 70,2%-i özəl sektorların payına düşüb.
Dövlət Statistika Komitəsindən alınan məlumata istinadən 2006-cı ilin yanvar-noyabr ayları ərzində Azərbaycanın nəqliyyat sektoru tərəfindən 130,2 mln. ton müxtəlif yük daşınıb ki, bu da keçən ilin analoji dövrünün göstəricisindən 12,9% çoxdur. Ümumi daşınan yükün 57,9%-i özəl sektorun payına düşüb.