Azərbaycan Milli Bankının (AMB) ekonometrik modelinə əsasən, 2006-cı il ərzində inflyasiyanın 11,4%-nin formalaşmasında 77,2% monetar amillərin payına düşüb.
Azərbaycan Milli Bankından Trend ə verilən xəbərə görə, hesabat dövründə monetar amillərin artımı Milli Bankın valyutanı konvertasiya etməsi ilə bağlıdır və bunun 97%-i budcə xərclərinin maliyyələşdirilməsi məqsədilə həyata keçirilib. Pul kütləsinin artımı 75% təşkil edib. Pul kütləsi ən çox fevral-oktyabr ərzində 2,1 dəfə artıb. İllik hesablamada inflyasiyanın formalaşmasında qeyri-neft sektoru üzrə nominal effektiv məzənnənin payı az - 2,2% səviyyəsində olub, lakin fevraldan oktyabra qədər məzənnə 3% artıb.
Ötən aydan başlayaraq, qeyri-monetar amillərin inflyasiyaya təsiri azalmağa başlayıb. 2006-cı ildə istehlak qiymətlərinin formalaşmasında qeyri-monetar amillərin payı 22,8% səviyyəsində olub. Bu zaman inzibti cəhətdən tənzimlənən qiymətlərin payı hesabat dövründə 19% təşkil edib, bu isə yanvar ayında dizel yanacağının qiymətinin -2 dəfə, ağ neftin - 1,3 dəfə, qəndin - 35,4% artması ilə əlaqədardır. Mövsüm amillərinin təsiri sıfır səviyyədə olub, burada yay mövsümünün təsiri altında may-avqust aylarında qiymətlər 4,5% ucuzlaşıb. Qış mövsümünün təsiri ilə isə yanvar -aprel və sentyabr-dekabrda qiymətlər 4,5% bahalaşıb, lakin bu, inflyasiyanın 0% azalmasına səbəb olub. Mal və xidmətlər bazarında təklif inflyasiyanın azalmasına təsir edib (-3,8%), halbuki yanvar-noyabrda qeyri-neft sektorunda artım templəri 11,2% təşkil edib.
