"Azərbaycan investisiya şirkəti" SC və Avropa Yenidənqurma və İnkişaf Bankı 2007-ci il birinci rübün sonunadək Bakıda süd emalı üzrə yeni zavodun tikintisi və Göyçayda süd zavodunun yenidən qurulması üzrə Milk -Pro MMC-nin layihəsinin maliyyələşdirilməsi haqqında qərar qəbul etmək barədə razılaşıblar.
AİŞ-in icraçı direktoru Anar Axundovun bazar ertəsi Trend ə eksklüziv olaraq verdiyi xəbərə görə, ötən həftə Avropa bankının nümayəndə heyəti ilə informasiya mübadiləsi olub. AYİB ekspertlərinin Bakıya səfərinin əsas məqsədi layihəyə investisiya strukturlarının müəyyənləşdirilməsi olub.
A.Axundovun sözlərinə görə, keçirilmiş danışıqlar layihədə birgə iştirak üzrə müqavilənin hazırlanması üçün əsas olacaq. Layihəyə qoyulan ümumi investisiyalar 10,5 mln. ABŞ dolları həcmində qiymətləndirilir, onların bir hissəsi səhmdar iştirak qismində Milk -Pro-ya qoyulacaq, qalan hissəsi isə - Avropa Bankına kredit qoyuluşları qismində həyata keçiriləcək.
Vəsaitlər qismən artıq Göyçayda fəaliyyət göstərən süd zavodunun yenidən qurulmasına yönəldiləcəklər.
Ötən ilin sonunda AİŞ və Milk-Pro arasında bağlanmış, bu layihənin maliyyələşdirmə imkanı haqqında memoranduma əsasən Milk-Pro-nun nizamnamə kapitalında AİŞ-in iştirak payı ən azı 20% təşkil edəcək. A.Axundov hələ AYİB-in iştirak payını deməkdən imtina edib.
Milk-Pro-ya qoyuluş üzrə investisiya şirkətinin qəti qərarı birinci rüb ərzində AİŞ-in Müşahidə Şurasında, AYİB üzrə isə - Direktorlar Şurasında qəbul olunacaq.
