Xarici ticarətə görə məsul olan orqanlar kimi, Azərbaycanın İqtisadi İnkişaf Nazirliyi və RF-nin İqtisadi İnkişaf və Ticarət Nazirliyinin vəzifəsi ölkələr arasında ticarət münasibətlərinin inkişaf etməsi üçün əlavə imkan tapmaqdan ibarətdir. Trend xəbər verir ki, bu barədə iqtisadi inkişaf naziri Heydər Babayev bildirib və qeyd edib ki, bu, daimi vəzifədir, lakin əmtəə dövriyyəsinin artırılması təbii şəkildə baş verməlidir.
"Azərbaycan hökuməti Rusiyanın təklif etdiyi təbii qazın alınması üçün şərtlərdən imtina nəticəsində yaranmış defisiti ödəməyi qarşısına məqsəd qoymayıb. Bizim vəzifəmiz bundan ibarətdir ki, RF və AR arasında çox yaxşı münasibətlər var və əmtəə dövriyyəsi ən çox birtərəfli olduğundan və qazın tərkibinin yüksək olması səbəbindən ziyan görüb", - deyə nazir qeyd edib.
Onun fikrincə, qısa müddət ərzində və hətta 2007-ci il ərzində biz digər malların hesabına 500 mln. ABŞ dolları həcmində fərqi ört-basdır edə bilmərik, çünki bu real deyil. Lakin əməkdaşlıq davam edir və əmtəə dövriyyəsi onsuz da artır, lakin bu fərq hansısa zaman müddətində ödəniləcək.
"Əgər bu il biz Rusiya qazından imtina etmişiksə, o zaman gələn il buna heç ehtiyac olmayacaq. İqtisadiyyat inkişaf edir, həm Azərbaycan, həm də Rusiya iqtisadiyyatının tələbatları artır, ona görə də əmtəə dövriyyəsi təbii şəkildə genişlənməlidir", - deyə nazir əlavə edib.